48 फेर उसके माँ-बाप उस ताहीं देखकै हैरान होए अर उसकी माँ नै उसतै कह्या, "हे बेट्टे, तन्‍नै म्हारै गेल्या इसा बरताव क्यातै करया? देख, तेरा बाप अर मै तन्‍नै ढूँढ़-ढूँढ़के परेशान होरे थे?"

49 उसनै उनतै कह्या, "थम मन्‍नै क्यातै टोह्वो सो? के बेरा कोनी मन्‍नै मेरे पिता कै घरां होणा जरूरी सै?" 50 पर जो बात उसनै उनतै कही, उननै कोनी समझया।

51 फेर वो उनकै गेल्या गया, अर नासरत म्ह आया, अर उनकै बस म्ह रह्या, अर उसकी माँ नै ये सारी बात अपणे मन म्ह राक्खी।