लूका 6

सूक्खे हाथ आळे रोग्गी ताहीं ठीक करणा

6 इसा होया के किसे और आराम कै दिन वो आराधनालय म्ह जाकै उपदेश देण लाग्या, अर उड़ै एक माणस था जिसका सोळा हाथ सूखरया था। 7 शास्त्री अर फरीसी यीशु पै दोष लाण के मौक्‍कै की टाह म्ह थे के देक्खै वो आराम कै दिन ठीक करै सै के न्ही। 8 पर वो उनकी सोच जाणै था, इस करकै उसनै सूखे हाथ आळे माणस कह्या, "उठ, बिचाळै खड्या होज्या।" वो उठ खड्या होया।

9 यीशु नै उनतै कह्या, "मै थारे तै बुझ्झु सूं के मूसा के नियम-कायदा कै मुताबिक आराम कै दिन के ठीक सै, भला करणा या बुरा करणा, जान बचाणा या नाश करणा?"

10 फेर उसनै चोगरदेनै उन सारया कान्ही देखकै उस सूखे हाथ आळे माणस तै बोल्या, "अपणा हाथ बढ़ा।" उसनै न्यूए करया, अर उसका हाथ दुबारा ठीक होग्या।