मत्ती 19

23 फेर यीशु नै अपणे चेल्यां तै कह्या, "मै थमनै साच्‍ची कहूँ सूं के साहूकार का सुर्ग के राज्य म्ह बड़णा ओक्खा सै। 24 थारे ताहीं फेर कहूँ सूं के जिस तरियां तै ऊँट का सूई कै मोरै म्ह तै लिकड़णा आसान हो सकै सै। पर परमेसवर के राज्य म्ह साहूकार का बड़णा भोत मुश्किल सै।"

25 न्यू सुणकै चेल्यां नै हैरान होकै कह्या, "फेर किसका उद्धार हो सकै सै।"

26 यीशु नै उनकी ओड़ लखाकै कह्या, "माणसां तै तो यो कोनी हो सकदा, पर परमेसवर तै सारा कुछ हो सकै सै।"