रूत का बोअज तै मिलणा
1 नाओमी के घरआळे एलीमेलेक के कुल म्ह एक बड़ा धनी रिश्तेदार था, जिसका नाम बोअज था। 3 ज्यांतै वा जाकै एक खेत म्ह काटण आळयां कै पाच्छै चुगण लाग्गी, अर जिस खेत म्ह वा संयोग तै गई थी वो एलीमेलेक कै रिश्तेदार बोअज का था।
9 जिस खेत म्ह वे चुगदी हों उसी पै तेरा ध्यान लाग्या रहवै, अर उनकै पाच्छै-पाच्छै चल्या करिये। मन्नै दास्सां ताहीं हुकम दिया सै के तन्नै तंग ना करैं। अर जिब-जिब तन्नै प्यास लाग्गै, तब-तब तू बरतनां कै धोरै जाकै दास्सां का भरया होया पाणी पिये।" 11 बोअज नै जवाब दिया, "जो कुछ तन्नै अपणे घरआळे की मौत कै बाद अपणी सास तै करया सै, अर तू किस तरियां अपणे माँ-बाप अर जन्म-भूमि नै छोड़कै इसे माणसां म्ह आई सै जिननै पैहले तू न्ही जाणै थी, यो सारा मेरे ताहीं सारा खुलकै बताया गया सै। 12 यहोवा तेरी करणी का फळ दे, अर इस्राएल का परमेसवर यहोवा जिसके पंखा कै तळै तू शरण लेण आई सै, तेरे ताहीं पूरा प्रतिफळ दे।"
17 आखर म्ह वा साँझ ताहीं खेत म्ह चुगदी रही; फेर जो कुछ चुग लिया उस ताहीं कुट्या, अर वो कोए एपा2:17 एपा करीब 12 किलो भर जौ लिकड़या। 20 नाओमी नै अपणी बहू तै कह्या, "वो यहोवा की और तै आशीष पावै, क्यूँके उसनै ना तो जिन्दा पै तै अर ना मरे होया पै तै अपणी करुणा हटाई!" फेर नाओमी नै उसतै कह्या, "वो आदमी तो म्हारा एक रिश्तेदार सै, बल्के उन म्ह सै जिसनै म्हारी जमीन छुड़ाण का हक सै।"