2 मोआबिन रूत नै एक दिन नाओमी तै कह्या, "मेरे ताहीं किसे खेत म्ह जाण दे, के जो मेरे पै अनुग्रह की नजर करै, उसकै पाच्छै-पाच्छै मै सिला चुगदी जाऊँ।" उसनै कह्या, "चली जा, बेट्टी2:2 उसनै कह्या, "चली जा, बेट्टी लैव्य. 19:9-10; 23:22; व्यव. 24:19-22 इब्रियों की व्यवस्था कै मुताबिक परदेशी, बिधवा, अनाथ अर अन्य कंगाल माणसां ताहीं यो अधिकार था के वे अन्न की बाले जो काटण आळयां के हाथ से गिर गई हों अर खेत म्ह रह गई हों, बटोर लें।"।" 3 ज्यांतै वा जाकै एक खेत म्ह काटण आळयां कै पाच्छै चुगण लाग्गी, अर जिस खेत म्ह वा संयोग तै गई थी वो एलीमेलेक कै रिश्तेदार बोअज का था।
10 फेर रूत धरती तक झुककै मुँह कै बळ गिरी, अर उसतै कहण लाग्गी, "के कारण सै के तन्नै मुझ परदेसण पै दया की नजर करकै मेरी सुधि ली सै?" 11 बोअज नै जवाब दिया, "जो कुछ तन्नै अपणे घरआळे की मौत कै बाद अपणी सास तै करया सै, अर तू किस तरियां अपणे माँ-बाप अर जन्म-भूमि नै छोड़कै इसे माणसां म्ह आई सै जिननै पैहले तू न्ही जाणै थी, यो सारा मेरे ताहीं सारा खुलकै बताया गया सै। 12 यहोवा तेरी करणी का फळ दे, अर इस्राएल का परमेसवर यहोवा जिसके पंखा कै तळै तू शरण लेण आई सै, तेरे ताहीं पूरा प्रतिफळ दे।"