Filipenses 3

नशाणे री तरफा खे दौड़ना

12 ये मतलब नि कि आऊँ इना सबी चीजा खे पईले तेई पायी चूकी रा या सिद्ध ऊई चूकी रा। पर आँऊ तेसा चीजा खे पाणे री खातर दौड़ी की आगे बढ़दा चली जाणे लगी रा कि आँऊ सिद्ध ऊई जाऊँ। जेतेखे यीशु मसीहे आऊँ चुणेया था। 13 ओ साथी विश्वासियो! मेरा मानणा ये निए कि आऊँ तिजी खे पायी चूकी रा। पर बस ये एक काम करूँआ कि जो गल्ला बीती चूकी रिया, तिना खे पूली की आगे री तरफा खे बढ़दा जाऊँआ। 14 आँऊ नशाणे री तरफा खे दौड़दा जाऊँआ, ताकि आँऊ स्वर्गो रे बुलाए जाणे रा ईनाम पाई सकूँ। जेतेरी खातर परमेशरे आऊँ यीशु मसीह रे जरिए स्वर्गो दे बुलाई राखेया।

15 तो आसा बीचा ते जितणे विश्वासो रे मजबूत ए, येई सोच राखो और जे केसी गल्ला रे तुसा री ओर ई सोच ओ, तो, परमेशरे तुसा खे से बी बताई देणा।