यहूदा 1

12 जिंयाँ समुद्रो रे लूकी री चट्टान किस्तिया खे खतरनाक ओई तिंयाँ ई सेयो विश्वासो रा दखावा करने वाल़े लोक तुसा खे खतरनाक ए, जो प्यारो री पाट्टिया रे तुसा साथे विश्वासिया रे रूपो रे साजा करोए। सेयो लोक तेस बेशर्म रखवाल़े जेड़े ए, जो सिर्फ आपणी ई देखपाल़ करोआ। सेयो लोक बिना पाणिए रे बादल़ो जेड़े ए, जिना खे अवा ऊड़ाई की लयी जाओई। सेयो लोक पतझड़ो रे बिना फल़ो रे डाल़ा जेड़े ए, जो दो बार मरी चूकी रे और जड़ी ते पट्ठी गे रे।