यूहन्ना 1

45 फिलिपुसे नतनएलो ते मिली की बोलेया, "जेसरे बारे रे मूसे बिधानो रे और भविष्यबक्ते बोली राखेया, से आसा खे मिली गा रा, से यूसुफो रा पाऊ यीशु नासरी ए।" 46 नतनएले तेसखे बोलेया, "क्या कोई खरी चीज बी नासरतो ते निकल़ी सकोई?" फिलिपुसे तेसखे बोलेया, "चली की देखी लो।" 47 यीशुए नतनएलो खे आपू गे आऊँदे ऊए देखी की तेसरे बारे रे बोलेया, "देखो, ये सच्ची इस्राएली ए, एसरे कोई कपट निए।" 48 नतनएले तिना खे बोलेया, "तूँ माखे किंयाँ जाणेया?" यीशुए तेसखे ज्वाब दित्तेया, "इजी ते पईले फिलिपुसे तूँ बुलाया, जेबे तूँ दाऊगल़े रे डाल़ो निठे था, तेबे मैं तूँ देखेया था।" 49 नतनएले तिना खे ज्वाब दित्तेया, "ओ गुरू! तूँ परमेशरो रा पुत्र ए, तूँ इस्राएलो रा महाराजा ए।" 50 यीशुए तेसखे उतर दित्तेया, "मैं जो ताखे बोलेया कि मैं तूँ दाऊगल़े रे डाल़ो निठे देखेया, क्या तूँ तेबेई विश्वास करेया? तां इजी ते बी बड़े-बड़े काम देखणे।" 51 फेर तेसखे बोलेया, "आऊँ ताखे सच्च-सच्च बोलूँआ कि तां स्वर्ग खुलेया रा और परमेशरो रे स्वर्गदूत माणूं रे पुत्रो पाँदे उतरदे और ऊबे जांदे ऊए देखणे।"