Lucas 8

तूफानो खे शान्त करना

22 तेबे एक दिन यीशु और तिना रे चेले किस्तिया रे चढ़े और तिने तिना खे बोलेया, "आओ, गलीली समुद्रो ते पार चलूँए।" तेबे तिने किस्ती खोली ती। 23 पर जेबे किस्ती चली री थी, तेबे यीशु सयी गे और समुद्रो रे तूफान आया और किस्तिया रे पाणी परने लगेया और सेयो मुसीबता रे थे। 24 तेबे चेलेया नेड़े आयी की यीशु जगाए और बोलेया, "ओ स्वामी! स्वामी! आसे डूबणे वाल़े ए।" तेबे यीशु उठी की तूफानो खे, पाणिए खे और लईरा खे बकणे लगे और सेयो रूकी गे और चैन ऊईगा। 25 तेबे यीशुए चेलेया खे बोलेया, "तुसा रा विश्वास केयी था?" पर सेयो डरी गे और हैरान ऊई की आपू बीचे बोलणे लगे, "ये कूणे, जो तूफान और पाणिए खे आज्ञा देओआ और सेयो एसरी आज्ञा खे मानोए?"

दुष्टात्मा ते किरे रे माणूंए खे ठीक करना

26 तेबे सेयो गिरासेनियो रे देशो रे पऊँचे जो गलीलो ते पार, सामणे ए।