Mateus 20

दुँईं अन्देया खे नजरा रा दान

29 जेबे सेयो यरीहो नगरो ते निकल़ने लगी रे थे, तेबे एक बड़ी पीड़ तिना पीछे आईगी। 30 तेबे दो अन्दे, जो सड़का रे कनारे बैठी रे थे, तिने जेबे ये सुणेया कि यीशु जाणे लगी रे, तो सेयो आक्का पायी की बोलणे लगे, "ओ प्रभु! दाऊदो री ल्वाद, आसा पाँदे दया कर।" 31 लोक तिना खे बकणे लगे कि चुप रओ, पर सेयो ओर बी चींगी की बोलणे लगे, "ओ प्रभु! दाऊदो री ल्वाद, आसा पाँदे दया कर।" 32 तेबे यीशुए खड़े ऊई की सेयो बुलाए और बोलेया, "तुसे क्या चाओए कि आऊँ तुसा खे करुँ?" 33 तिने बोलेया, "ओ प्रभु! ये कि म्हारिया आखी खुली जाओ" 34 यीशुए खे तिना पाँदे तरस आया और तिने तिना रिया आखिया छूँईया और सेयो तेबुई देखणे लगे और सेयो तिना पीछे चलणे लगे।