कलीसियाई मां अनबन
10 हे ढ्लाव ते बेइनव, अवं इश्शो प्रभु यीशु मसीहेरे अधिकारे सेइं इन केरनेरी बिनती केरताईं, कि सब एक्की होरि सेइं राज़ामंद भोथ; ते तुसन मां फिरके न भोन, पन अक मन भोथ, ते अक्के खियाल रखा। 11 किजोकि हे मेरे ढ्लाव ते बेइनव, खलोएरे टब्बरेरे लोकेईं मीं तुश्शे बारे मां ज़ोवरूए, कि तुसन मां लड़ाई लेगोरिन भोने। 12 मेरे ज़ोनेरो मतलब ईए, कि तुसन मरां कोई त अपनो आप, "पौलुसेरे ज़ोते," कोई "अपुल्लोसेरो," कोई "कैफारो," कोई "मसीहेरो ज़ोते।" 13 ज़ैन तुस केरतथ तैन ठीक नईं, कुन मसीह बेन्टोव? कुन पौलुस क्रूसे पुड़ च़ाढ़ो जेव? या तुसन पौलुसेरे नंव्वे पुड़ बपतिस्मो मैल्हो?