1 पतरस 5

बुज़ुर्गन ते च़ुनोरे लोकन बिस्तार

1 अवं साथी बुज़ुर्गन सेइं इन ज़ोनू चाताईं किजोकि अवं तुश्शो ज़ेरो आईं। मीं एप्पू तैना दुख हेरोरेन ज़ैना मसीहे बड़े पेइले झ़ैल्‍ले। ज़ैखन तै दुबारां एज्जेलो, त अवं तैसेरे महिमा मां शामल भोनोईं। अवं तुश्शो साथी बुज़ुर्ग भोने सेइं तुसन कां ई बिनती केरताईं, 2 ज़ेन्च़रे पुहाल अपनि भैड्डां हेरतन, तुस भी तेन्च़रे हर एक्‍केरी हेरगेश केरा, ज़ैना परमेशरे तुश्शे रखवैली मां रखोरेन। इन अपने मेर्ज़ी सेइं केरा किजोकि परमेशर इन चाते। तुस इन एल्हेरेलेइ न केरा कि तुसन पुड़ दबाव बनाव गाते। ते इन कम एल्हेरेलेइ न केरा कि तुस कमाई केरनि चाथ, पन इस इच्छाई सेइं केरा कि तुस परमेशरेरी ते लोकां केरि सेवा केरनि चातथ। 3 ते ज़ैना लोक तुसन सौंफे तैन पुड़ हुकूमत न केरा, बल्के तैन केरे लेई रोड़ी मिसालां बना।