2 कुरिन्थियों 13

आखरी हदैइत

1,2 पवित्रशास्त्रे मां इन लिखेरूए कि, "हर अक गल दूई या ट्लेइ गवाहां केरे गवाही केरे ज़िरिये सेइं पक्‍की की गाली।" मीं तैन लोकन हदैइत दित्तोरीए ज़ैना पाप केरते थिये, ज़ैखन अवं दूइयोवं बार एवरो थियो। हुनी अवं फिरी तैन ते होरि सेब्भी लोकन हदैइत देताईं कि ठीक तेन्च़रे ज़ेन्च़रे मीं पेइलू भी कियोरूए इस चिट्ठी मां खबरदार केरताईं। हुनी अवं ट्लेइयोवं बार एजनेबालो आईं, ते अगर तैनेईं हेजू भी पाप केरनो बंद नईं कियोरो, तैन मरां कोई भी सज़ाही करां न बच़ेलो।