3 यूहन्ना 1:2-4

2 मेरे ट्लारे दोस्त, मेरी प्राथना ईए, कि ज़ेन्च़रे तू आत्मिक तरक्‍की केरि राहोरोस, तेन्च़रे तू सेब्भी गल्‍लन मां तरक्‍की केरतो रास, ते तेरी जान भी राज़ी राए। 3 किजोकि किछ विश्वासी लोकेईं मीं सेइं एइतां ज़ोवं, कि तू केन्च़रे सच़्च़ेरे मुताबिक ज़ींने लगोरोस त अवं बड़ो खुशी भोव। 4 ज़ैखन भी अवं शुनताईं कि तैना, ज़ैना मेरे बच्‍चां केरे ज़ेरे आन तैना सच़्च़ेरे मुताबिक ज़ीतन, तैखन अवं बड़ो खुशी भोताईं।