दानिय्येल 7

पुराने ज़मानेरे दिहाड़ां केरू दर्शन

9 "मीं हेरते-हेरते आखरी मां कुन हेरू, कि तखत रख्खे जे, ते कोई बड़ो पुरानो बुज़ुर्ग तैस पुड़ बिश्शो; तैसेरां लिगड़ां हिंवेरां ज़ेरां सुफेद छ़ित्तां थियां, ते तैसेरे दोग्गेरे बाल खालिस उन्नरा ज़ेरे थिये, तैसेरो तखत अग्गरो ज़ेरो ते तैसेरे पेइहे भेखोरी अग्गरे ज़ेरे लेइहोते थिये। 10 तैस बुज़ूर्गेरे सामनेरां अग्गरो दरिया बगतो थियो; फिरी हज़ारां केरि तैधाती मां लोक*7:10 लोक इस मतलब लोक भी भोइ सकते। तैसेरी सेवा केरि राहोरे थिये। ते लखेइं लोक तैसेरे सामने हाज़र थिये; फिरी न्यायी भी बिश्शी जे, ते किताबां खोल्‍ली जेई।✝7:10 प्रका. 20:11-12.