70 हफतां केरि नबूवत
20 एस तरीके अवं प्राथना केरतो, ते अपने ते इस्राएली कौमरे ढ्लां केरे पापां केरो इकरार केरतो, ते अपने परमेशर यहोवारे सामने ते तैसेरे पवित्र पहाड़ेरे9:20 पवित्र पहाड़ेरे यरूशलेम लेई छंदे केरतां हेजू बिनती केरि राहोरो थियो, 21 तैखन गब्रिएल ज़ै मीं तैस मौके लाहोरो थियो, ज़ैखन मीं पेइलू दर्शन मैल्होरू थियूं, तै तेज़ी सेइं उडरने बाले हुक्म मैलतां, ड्लवझ़री अन्नबेलरे मौके मीं सेइं हुरो; ते मीं समझ़ेइतां मीं सेइं गल्लां केरने लगो। 22 तैनी मीं सेइं ज़ोवं, "हे दानिय्येल, अवं एल्हेरेलेइ तीं कां एवरोईं कि तीं अक्ल ते समझ़ देईं। 23 ज़ैखन तू छंदे केरतां बिनती केरने लगो, तैखने एसेरो हुक्म निस्सो, एल्हेरेलेइ अवं तीं सेइं ज़ोने एवरोईं, किजोकि तू मीं बड़ो ट्लारोस; एल्हेरेलेइ तैस बारे मां समझ़ ते दर्शनेरी गल्लां केरो मतलब बुझ़।