27 किजोकि पवित्रशास्त्र ज़ोते,
"हे बाँझ, तीं ज़ैसां कधे बच्चे नईं ज़ावरे, खुशी भो,
तीं ज़ैस बच्चो ज़ानेरी तकलीफ नईं भोवरी; आवाज़ उच्ची केर ते जयजयकार केर,
किजोकि शैरोरारी औलाद सुहागनी करां भी जादे।"
28 हे ढ्लाव ते बेइनव, तुस अब्राहमेरे मट्ठे इसहाकेरे ज़ेरे आथ, ज़ैन परमेशरेरे वाधेरे मुताबिक ज़र्मू, अस भी परमेशरेरे वाधेरे मुताबिक तैसेरे बच्चे बने। 29 ते ज़ेन्च़रे तैस वक्ते ज़ै बच्चो आम बच्चां केरो ज़ेरो ज़र्मोरो थियो, तैस सतातो थियो ज़ै परमेशरेरे आत्मारे मुताबिक ज़र्मोरो थियो, तेन्च़रे अज़ भी अस तैन करां सताव झ़ैल्लतम ज़ैना कानून मेनतां परमेशरेरे सामने धर्मी भोनू चातन।