यीशुएरे ज़र्मेरू एलान
26 एलीशिबारे दोज़ींती भोनेरे शेइयोवं महीने जिब्राईल स्वर्गदूत परमेशरेरी तरफां गलील इलाकेरे नासरत नगरे मां, 27 एक्की अड्लैई कुइये कां भेज़ो। तैसारी कुड़माइ दाऊदेरे खानदाने मरां एक्की मड़दे सेइं भोवरी थी ज़ेसेरू नवं यूसुफ थियूं, ते तैस कुइयरू नवं मरियम थियूं। 28 स्वर्गदूते तैस कां एइतां ज़ोवं, "आनन्द ते ज़ींत तेरी भोए, तीं पुड़ परमेशरेरी बड़ी दया भोवरीए, प्रभु तीं सेइं साथिये!" 36 ते हेर तेरी रिश्तेदार एलीशिबाई भी बुढे बारे मट्ठू भोनेबालूए तैस जो लोक बाँझ ज़ोते थिये, तैस दोज़ींती शा महीने भोरेन। 38 मरियमा स्वर्गदूते जुवाब दित्तो, "अवं परमेशरेरी सेवा केरती ज़ैन तीं ज़ोवरूए तैन भोए।" तैखन स्वर्गदूत तैस करां च़लो जेव।
मरियम एलीशिबा सेइं मिलतीए
39 किछ दिहाड़न पत्ती मरियम तियार भोइतां अकदम यहूदियारे इलाकेरे एक्की पहाड़ी नगरे मां जेई।
56 मरियम कोई ट्लाई महीन्न तगर एलीशिबा सेइं साथी राई ते फिरी अपने घरजो आई।