Marcos 8

यीशु एक्‍की काने मैन्हु बज़्झ़ाते।

22 तैल्‍ला पत्ती, यीशु त तैसेरे चेले बैतसैदा नगरे मां आए। लोकेईं अक कानो मैन्हु यीशु कां आनो ते तैस कां मिन्नत की कि, "एस मैन्हु सेइं हथ लाथ ताके ऐह बेज़्झ़ोए।" 23 तैखन यीशुए तैस काने मैन्हेरो हथ ट्लेइतां ड्लोंव्वे करां बेइर नियो। तैखन तैनी तैस काने मैन्हेरी एछ़्छ़न पुड़ थुकतां, तैस पुड़ हथ रख्खे, ते तैस पुछ़ू, "कुन तू किछ लातस?" 24 तैखन तैनी मैन्हे उबरे तेकतां ज़ोवं, "हाँ, अवं मैन्हन हेरी सकताईं, तैना मीं च़लते बुट्टां केरे ज़ेरे लेइहोतन।" 25 तैखन यीशुए दूइयोवं हटे तैसेरी एछ़्छ़न पुड़ हथ रख्खे। तै कानो ध्याने सेइं लाने लगो। तैसेरी एछ़्छ़ी ठीक भोइ जेई, त तै सब किछ साफ-साफ हेरने लगो। 26 तैल्‍ला पत्ती, यीशुए तै मैन्हु एन ज़ोइतां घरे जो भेज़ो, "तू इस ड्लोंव्वे मां पव भी न रेखां (ते कने ई गल केन्ची सेइं न ज़ोइयां।)"