Lei

24 ויגל כמים משפט וצדקה כנחל איתן ׃


8 הגיד לך אדם מה־טוב ומה־יהוה דורש ממך כי אם־עשות משפט ואהבת חסד והצנע לכת עם־אלהיך ׃ פ


5 רק שמרו מאד לעשות את־המצוה ואת־התורה אשר צוה אתכם משה עבד־יהוה לאהבה את־יהוה אלהיכם וללכת בכל־דרכיו ולשמר מצותיו ולדבקה־בו ולעבדו בכל־לבבכם ובכל־נפשכם ׃


16 אשר אנכי מצוך היום לאהבה את־יהוה אלהיך ללכת בדרכיו ולשמר מצותיו וחקתיו ומשפטיו וחיית ורבית וברכך יהוה אלהיך בארץ אשר־אתה בא־שמה לרשתה ׃


1 והיה אם־שמוע תשמע בקול יהוה אלהיך לשמר לעשות את־כל־מצותיו אשר אנכי מצוך היום ונתנך יהוה אלהיך עליון על כל־גויי הארץ ׃


12 ועתה ישראל מה יהוה אלהיך שאל מעמך כי אם־ליראה את־יהוה אלהיך ללכת בכל־דרכיו ולאהבה אתו ולעבד את־יהוה אלהיך בכל־לבבך ובכל־נפשך ׃

13 לשמר את־מצות יהוה ואת־חקתיו אשר אנכי מצוך היום לטוב לך ׃


8 לא־ימוש ספר התורה הזה מפיך והגית בו יומם ולילה למען תשמר לעשות ככל־הכתוב בו כי־אז תצליח את־דרכך ואז תשכיל ׃


6 והיו הדברים האלה אשר אנכי מצוך היום על־לבבך ׃

7 ושננתם לבניך ודברת בם בשבתך בביתך ובלכתך בדרך ובשכבך ובקומך ׃


10 בכל־לבי דרשתיך אל־תשגני ממצותיך ׃


30 דרך־אמונה בחרתי משפטיך שויתי ׃


17 וחסד יהוה מעולם ועד־עולם על־יראיו וצדקתו לבני בנים ׃

18 לשמרי בריתו ולזכרי פקדיו לעשותם ׃