1 Mgbe ihe ndị a gasịrị, anụrụ m ụzụ nke ọtụtụ igwe mmadụ nʼeluigwe. Ha niile na-eti mkpu na-asị,

"Haleluya!

Nzọpụta, na ebube na ike niile dịrị Chineke anyị.

2 Nʼihi na ikpe ikpe ya niile ziri ezi, bụrụkwa eziokwu.

Ọ kpeela nwanyị ahụ na-akwa iko ikpe,

onye ji ịkwa iko ya merụọ ụwa.

Ọ bọọlara ọbọ ọbara ndị ohu ya nʼisi ya."

3 Ọzọkwa, ha tiri mkpu,

"Haleluya!

Anwụrụ ọkụ si nʼime ya na-arịgo elu ruo mgbe ebighị ebi."