1 ତୁମିମଃନ୍‌କାର୍‌ ବିତ୍ରେ କାର୍‌ ବିନ୍‌ଲକାର୍‌ ବିରୁଦେ କଃତା ରିଲେକ୍‌ ସେତାର୍‌ ବିଚାର୍‌ କଃରୁକେ ବିସ୍ୱାସି ମଃନାର୍‌ ହାକ୍‌ ନଃଜାୟ୍‌ଁ ବିସ୍ୱାସ୍‌ ନଃକେର୍ତା ବିଚାର୍‌ କଃରୁ ଲକାର୍‌ ତଃୟ୍‌ ଜଃଉଁକେ କଃନ୍‌କଃରି ସାସ୍‌ କଃରେଦ୍‌ ? 2 ଇସ୍ୱରାର୍‌ ଲକମଃନ୍ ଜଃଗତାର୍‌ ବିଚାର୍‌ କଃର୍ତି, ଇ କଃତା କାୟି ତୁମିମଃନ୍‌ ନଃଜାଣାସ୍‌ ? ଆର୍‌ ଜଃଗତ୍‌କେ ତୁମିମଃନ୍‌ ବିଚାର୍‌ କଃରାସ୍‌, ତଃବେ ତୁମିମଃନ୍‌ ସାନ୍ ସାନ୍ କଃତା ବିଚାର୍‌ କଃରୁକେ ଜୟ୍‌ଃଗ୍ ନାୟ୍‌କି ? 3 ଅଃମିମଃନ୍‌ ସଃର୍ଗ୍‌ ଦୁତ୍‌ମଃନାର୍‌ ବିଚାର୍‌ କଃରୁ ହାରୁନ୍ଦ୍, ତଃବେ ଜଃଗତାର୍‌ ଜିବ୍‌କା ବିସୟେ ବିଚାର୍‌ କଃରୁକେ କଃସ୍ଟ କି ? ଇରି କାୟି ତୁମିମଃନ୍ ନଃଜାଣାସ୍‌ ? 4 ତଃବେ ଇ ଜିବନାର କଃତା କାୟିରି ? ବଃଲେକ୍‌ ଜଦି ବିଚାରାର୍‌ ଗିନେ ତୁମିମଃନ୍‌କାର୍‌ ଇ ଜିବନାର୍‌ କଃତା କାୟି କଃତା ରିଲେକ୍‌, ତଃବେ ମଣ୍ଡ୍‌ଳିଏ ଜୁୟି ଲକ୍‌ମଃନ୍‌ ଗଣିତା ନାୟ୍‌, ସେମଃନ୍‌କେ କାୟି ବିଚାର୍‌ କଃରୁକେ ବଚାସ୍‌ ? 5 ମୁଁୟ୍‌ଁ ତୁମିମଃନ୍‌କେ ଲାଜ୍‌ କଃରାଉଁକ୍‌ କଃଉଁଲେ । ବାୟ୍‌ବାୟ୍‌ ବିତ୍ରେ କଃତା ଚିଡାଉଁକେ ହାରେ, ଇରଃକମ୍‌ ଏକ୍ଲା ହେଁ ଗିଆନି ଲକ୍‌ କାୟି ସଃତ୍‌କଃରି ତୁମାର୍‌ ବିତ୍ରେ ନାୟ୍‌ ?