8 Men pa kite sa chape de atansyon nou, byeneme yo, ke avèk Senyè a, yon jou se tankou ✝mil ane, e mil ane se tankou yon jou. 9 ✝Senyè a pa lan sou pwomès Li, jan kèk moun ta konte sa a, men Li pasyan anvè nou, e Li ✝pa vle pou okenn moun ta peri, men pou tout ta vini a larepantans.

10 Men ✝jou a Senyè a ✝va vini kòm yon vòlè. Konsa syèl la va disparèt avèk yon gwo bwi, eleman yo va detwi avèk yon gwo chalè, e latè ak zèv li yo va vin brile nèt.