Matthïeu 25

14 ✝ 25:14 Mat 25:14-30 "Konsa, li menm jan avèk yon nonm ki fenk pare pou fè yon vwayaj. Li rele esklav li yo, e konfye tout sa li posede nan men yo menm. 15 A youn li te bay senk talan (yon gwo sòm dajan) a yon lòt de, e a yon lòt, youn, selon kapasite ke chak te genyen. Epi li te ✝25:15 Mat 21:33sòti pou fè vwayaj la. 16 Imedyatman, sila ki te resevwa senk ✝25:16 Mat 18:24talan yo te fè afè avèk yo, e te ranmase yon lòt senk talan anplis. 17 "Menm jan an, sila ki te resevwa de talan yo te vin jwenn de lòt. 18 Men sila ki te resevwa yon sèl talan an te ale fouye yon twou nan tè pou te sere lajan mèt li.

19 "Apre anpil tan, mèt a esklav sa yo te vini pou te ✝ 25:19 Mat 18:23 regle kont avèk yo. 20 Sila ki te resevwa senk ✝25:20 Mat 18:24talan yo te vin pote li avèk yon lòt senk talan ankò, epi te di: ‘Mèt, ou te fè m konfyans ak senk talan. Ou wè, mwen fè l rapòte senk talan anplis.’

21 "Mèt li te di li: ‘Byen fèt, bon e fidèl sèvitè. Ou te fidèl avèk yon ti kras bagay. M ap ✝25:21 Luc 12:44fè ou responsab anpil bagay. Antre nan lajwa a mèt ou.’

22 "Sila ki te resevwa de ✝25:22 Mat 18:24talan yo te vini epi te di: ‘Mèt, ou te fè m konfyans ak de talan. Ou wè, mwen fè l rapòte de talan anplis.’

23 "Mèt li te di li: ‘Byen fèt, bon sèvitè ✝ 25:23 Mat 24:45,47 fidèl la. Ou te fidèl avèk yon ti kras bagay. M ap fè ou responsab anpil bagay. Antre nan lajwa a mèt ou.’

24 "Konsa, sila osi ki te resevwa yon sèl ✝ 25:24 Mat 18:24 talan an te vini e te di: ‘Mèt, mwen te byen konprann ke ou menm se te yon mèt ki di; ke ou rekòlte kote ou pa plante, e ranmase kote ou pa simen. 25 Epi mwen te krent, e te ale sere talan an nan tè. Gade byen, ou twouve sa ki pou ou a.’

26 "Men mèt li te reponn li e te di: ‘Esklav malveyan e parese! Ou te konnen ke mwen rekòlte kote mwen pa plante, e ranmase kote mwen pa simen. 27 Pou sa, ou te dwe mete kòb mwen an labank pou lè m rive mwen ta kapab resevwa l avèk enterè.

28 "Konsa, retire talan an nan men li, epi bay li a sila a ki gen dis talan yo. 29 ✝25:29 Mat 13:12Paske a sila a ki genyen an, l ap resevwa plis e l ap gen an abondans, men pou sila a ki pa genyen an, menm sa li genyen an ap retire nan men l. 30 Voye esklav initil sila a nan ✝25:30 Mat 8:12fon tenèb, nan plas kote ap genyen kriye ak manje dan.’