1 काय तुंद्‌रे मां सी काहालाक काजे जी हिम्‌मत छे की जत्‌यार दीसरा साते लड़ाय हय जाय ती नीयाव वाटे नी-भुरसु करने वाळा धड़े जाय, ने चुखला माणसे धड़े नी जाय? 2 काय तुहुंं नी जाणु की चुखला माणसे कळीन नीयाव करसे? हेरेसी जत्‌यार तुहुंंक कळीन नीयाव करनु छे, ती काय तुहुंं नानला सी नानला बी झगड़ा नी सरे काय? 3 काय तुहुंं नी जाणता की हामु सरग वाळा काहवाळ्‌यान नीयाव करसुन ती ईनी कळी मां हवणे वाळु नानुस झगड़ु भांगता नी आवड़े काय? 4 कदी तुहुंंक कळीन वात काजे नीयाव करसे नीते सारनु हय, ती काय हीनुत काजे बठाड़सु काय जे मंडळी मां काय बी नी समजी जाय? 5 मे तुहुंंक लाजवाड़ने*6:5 लाजवाड़ने लज्जित करीन जी वात कह्‌वो। काय छाचलीन तुंद्‌रे मां एक बी अकलवाळु नी जड़े, जु तुंद्‌रु भायस्‌यान झगड़ु भांगे असु नी हय काय?