1 Pedro 4

बदलु जीवन

1 जत्‌यार की मसी डील मां हयन दुख हाकल्‌यु ती तुहुंं बी हेना मनसा काजे हत्‌यारेन तसों धर लेवु, काहाकी जु डील मां दुख हाकल्‌या, चु पाप सी छुट गुयु, 2 काहाकी आवणे वाळी घड़ी मां आपणा बचला डीलेन जीवन माणसेन लालुचेन अनसारे नी बाकुन भगवानेन मरजीन अनसारे जीवन जीवु। 3 काहाकी नी-यहुदी मरजीन अनसारे काम करने, ने लुच्‌चायन भुंडली हर, दारकुट्‌या, भुंडलो काम, पीणेवाळा, ने बेकार मुरती पुजण्‌या मां जां लग हामु पेहल सी टेम जावाड़ देदा, चोन बेसको हयो। 4 हय चे सुसवारे, की तुहुंं असा भारी लुच्‌चाय मां हींद्‌रो साते नी देवु, ने हेरेसी चे भुंडो वारु कवे। 5 हीनुक जे हय जीवतेला छे ने मरीन सर गुया आपणा कामेन लेखु-जुखु हीना मसी काजे देणु पड़से जु हींद्‌रो नीयाव करने वाळु छे।✝4:5 2 तीमुथीयुस 4:1