1 Pedro 4

2 काहाकी आवणे वाळी घड़ी मां आपणा बचला डीलेन जीवन माणसेन लालुचेन अनसारे नी बाकुन भगवानेन मरजीन अनसारे जीवन जीवु। 3 काहाकी नी-यहुदी मरजीन अनसारे काम करने, ने लुच्‌चायन भुंडली हर, दारकुट्‌या, भुंडलो काम, पीणेवाळा, ने बेकार मुरती पुजण्‌या मां जां लग हामु पेहल सी टेम जावाड़ देदा, चोन बेसको हयो। 4 हय चे सुसवारे, की तुहुंं असा भारी लुच्‌चाय मां हींद्‌रो साते नी देवु, ने हेरेसी चे भुंडो वारु कवे। 5 हीनुक जे हय जीवतेला छे ने मरीन सर गुया आपणा कामेन लेखु-जुखु हीना मसी काजे देणु पड़से जु हींद्‌रो नीयाव करने वाळु छे।✝4:5 2 तीमुथीयुस 4:1 6 काहाकी मरला काजे बी खुस-खबर हेरेसी सामळाय गुयो, की डील मां ते माणसेन अनसारे हींद्‌रो नीयाव हवे, बाकुन आत्‌मा मां चे भगवानेन अनसारे जीवता रवे।

भगवानेन दान-वरदानेन वारु रीती सी देख-भाळ करने वाळा

7 आखी वातेन खात्‌मो तत्‌यारुत हवणे वाळो छे; हेरेसी जानकार हयन दुवा वाटे समळीन रवु।✝4:7 याकुब 5:8; ईफीसीयो 6:18