2 तीनी ईसुन मंडळीन माणसेक भगवान तुंद्रे सुपरुत कर्यु, तीनु माणसेन तुहुंं वारु गुवाळी करु, जसा गुवाळ्या आपसा गाडरान राखवाळी करे। ने ज्य काम जबरान सी नी बाकुन भगवानेन मरजीन अनसारे वारु रीते करु। पयस्यान हायाळ्ळा बणी नी, बाकुन वारु खरला मन सी आपणा टुळान राखवाळी करु। 3 ने तीनु माणसे काजे भगवान तुंद्रा हातेम सुप देदलु, तीनु माणसे पर तुहुंं जु करीन हक मां करु बाकुन भगवानेन गाडरा साय एक दाखलु बणीन जीवु।
5 हीनी रीते, ए जुवान्या तुहुंं बी पेहला माणसेन हक मां रवु। असा करीन आखान आखा, पुडार्या, जुवान्या, ने दीसरा बी, नीचळा हयन एक दीसरान सेवा चाकरी करने करीन तीयार रहु; काहाकी खरला सास्तुर मां लिखलो छे, "भगवान मटाय करन्यान वीरुद करतु रवे, बाकुन नीचळा माणसे पर गीण-दया करतु रवे।" 7 आपणी आखी फीकुरेन बुज भगवान पर मेक देवु। काहाकी चु तुंद्री फीकुर करे।
10 हय भगवान जु आखा गीण-दयान झोर छे, तीनाक तुहुंं ईसु मसी मां आपणी जलमेन सेक-सींगार वाटे बुलावला छे, तुहुंंक थुड़ीक वार लग दुख झेलनेन पछे आपसुत तुहुंंक पाक्कु ने काठु ने ताकत वाळु करसे।