पोलुस ने सीलास काजे धरीन जेल मां नाखे
16 जत्यार हामु एक दाहड़े दुवा करने घर मां जाणे बाजी रवला ती हामु काजे एक जुवान गुलाम पावरनी भेळी हयी तीनी मां हवणे वाळी वात कहण्यु भुतड़ु भराय रवलु ने ची तीना भुतड़ान साहरे माणसे काजे हवणे वाळी वात देखाड़ तेली ने तेरा मालक्या वाटे बेसका पयस्या कमाय लेतली। 17 ची पोलुस ने हामरे पछळ-पछळ आवीन आयड़ती जाय्न कह्वी जे माणसे आखा मां रवण्या भगवानेन चाकर्या छे ने तुहुंं काजे छुटकारान खबर सामळावे। 18 ची बेसका दाहड़ा लग असीत करती रवी बाकुन पोलुस दुखी हय्न पछु फीरीन तीना भुतड़ा काजे कह्यु मे तुसेक ईसु मसीन नाव सी हुकुम आपो की हेरे मां सी नीकळी जां ने ची तीने टेमे नीकळी गुयु।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)