पछु जीवतु हवलु ईसु थोमा काजे देखाव पड़े
24 जत्यार ईसु चेला धड़े आयु ती थोमा तींद्रे भेळु नी हतलु चु बी बारे चेला मायन एक हतलु, चु दीद्मुस कहवाये। 25 दीसरा चेला तीनाक कह्या, "हामु मालीक ईसु काजे देखला छे।"
ती चु कह्यु, "जत्यार लग मे तेरा हातेम खीळान20:25 कीलों घाव नी देख लम ने खीळा सी पड़लो घावेम मारी आंगळी नी नाख दम ने तेरा कुखेम पड़ला घाव मां मारु हात नी नाख दम तत्यार लग मे भुरसु नी करो।"
26 आंठ दाहड़ा हय गुया, ने अळतेन ईसुन चेलान अळी घरमां हतला, ने थोमु बी तींद्रे भेळु हतलु तीने टेमे घरेन बारनो देदलो हतलो, तेबी ईसु तींद्रे ईचमां आवीन उबु रय गुयु ने कह्यु, "तुहुंंक सांती जड़े!" 27 ती ईसु थोमा काजे हेरा हात देखाड़ीन कह्यु, "तारी आंगळी ईनु हातेन घाव मां नाख ने आपसु हात उरु कर ने मारा कुखेम वाळा घाव मां तारु हात नाख। ने तु नी भुरसु वाळु मां बणे बाकुन मारे पर भुरसु कर।"
28 थोमा ईसु काजे जपाप आप्यु, "ए मारा मालीक! ए मारा भगवान!"
29 ती ईसु थोमा काजे कह्यु तु ते मेसेक देखीन मारे पर भुरसु करलु छे। बरकतवाळ चे छे, जे मेसेक नी देख्या बाकुन मार पर भुरसु करे।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)