12 ईसु तीनीक देखीन धड़े बुलायु, ने तीनीक जुर सी कह्यु, "वो बायर, तु हय मांदवाड़ मां सी छुटीन, वारलु हय गुय!" 13 ईसु तेरे पर हात मेक्यु, ने तत्यारुत ची सुदी हय गुय, ने भगवानेन बड़ाय करने बाजी गुय।
14 तीना भगवानेन भक्ती करन्या घरेन मुख्यु रीसाय गुयु, काहाकी ईसु तीनी बायरी काजे आराम करनेन दाहड़े वारु करलु। यहुदी-माणसे आराम करनेन दाहड़े काहनो बी काम करनु गलत समजतेला। हेरेसी चु मुख्यु, माणसेक कह्णे बाजी गुयु, "हाप्ता मां काम करने वाटे छव दाहड़ा छे, तीनु छव दाहड़ा मां काम करनु चाहजे। अतरा ईनु छव दाहड़ा मायन काहने बी दाहड़े आवीन वारु हवु, बाकुन आरामेन दाहड़े वारु हवणे करीन घुण आवु।"13:14 लुका 20:9,10; वेवस्थावीवरन 5:13-14
15 जी वात सामळीन मालीक ईसु जपाप आप्यु; ए ढंगड़ा करन्या कदी तुंद्रु बेल नी ते गदड़ो पीसलो हय, ती तुहुंं तीनाक आरामेन दाहड़े बी पाणी पीवाड़ने खुटे सी नी ली जावु काय? 16 जी बायर ते आपणा माणसे मायन छे। जी बायर बी अब्राहमेन पुरे छे, हीनीक मांदी पाड़नी भुतड़ान आत्मा दुय कम बीस साल लग चस्टीन आपसा कब्जाम कर रवली। आराम करनेन दाहड़े हेरेमां सी मांदु करन्यु भुतड़ु छेटु करनु, वारु नी हय काय?
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)