एक बायरीन भुरसु
24 पछेन ईसु चां सी उठीन सुर ने सेदा ईलाका मां आयु; ने चां एक घर मां गुयु ने चु चाहतेलु की मेसेक दीसरा कुय बी उळख्णु नी चाहजे। बाकुन चु उळखाय गुयु। 25 ने तत्यारुत चां एक बायर ईसु आय रयु करीन सामळीन आय ने तेरी नानली पुरेन भुतड़ु लागी रवलु, ने ची ईसुन पाये पड़ी। 26 ची बायर सीरीया देसेन सुरुफोनेसीया मां रहतेली ने ची नी-यहुदी वाळी हतली। ने ची ईसु सी जी लीलघाय्न कही की, भुतड़ा काजे मारी पुरे मां सी नीकाळ दे। 27 ईसु दाखलु दीन तीनीक कह्यु, "पेहेल पुर्या काजे खाय्न आफरनी दे काहाकी पुर्या भीणीन रुटा हापकीन कुतरा अगळ नाखणु वारु नी हय।"
28 ची बायर दाखला मां सी एक कड़ी जुड़ीन जपाप आपी, खरली वात छे, मालीक बाकुन तेबी कुतरा पुर्यान ईस्टाळा रुटान भुकरा काजे खाय लेय।
29 ईसु तीनीक कह्यु, "जी वात कही, तेरेमां तु आराम सी जाती रव, भुतड़ु तारी पुरे मां सी नीकळी गुयलु छे।"
30 ची चां सी तेरे घर जाय्न देखी, तत्यार तीनीक मालुम पड़्यो की भुतड़ु पुरे मां सी नीकळी गुयु ने तेरी पुरे वारु हय्न खाट्ली पर सुय रवली।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)