मत्‌ती 15

3 ईसु तीनुक कह्‌यु, "तुहुंं तुंद्‌रा डाहा-बुड़ान रीती नेम पाळने करीन भगवानेन हुकुम काहा तुड़ रया?" 4 काहाकी भगवानेन कवलु, तारा आयस-बासेन अबरु राख्‌जी, ने जे कुय बास नीते माय काजे भुंडात करीन कहें, तीनाक मार नाखु। 5 बाकुन तुहुंं कह्‌वु की कदी कुय आपणा आयस-बास सी असु कय देय, गुयो काय बी मे तुहुंंक आप सकतेलु, चो मे भगवान काजे भेट चड़ाय देदु। 6 असो नी हय की आपणा आयस-बासेन अबरु नी करे, तेरेन तसा तुहुंं बी तुंद्‌रा डाहा-बुड़ान रीती सीकाड़ीन भगवानेन बुल काजे टाळ देवु।