3 जत्यार हेरोदेस राजु जी वात सामळीन घाबराय गुयु, ने तेरे पुठ्ये यरुसलेम सहर मां रहणे वाळा बी आखा घाबराय गुया। 4 तेरेमां हेरोदेस राजु आखा मुख्या पुजारा ने यहुदी नीयम सीकाड़न्या मास्तर्याक भेळा करीन तीनुक पुछ्यु, "की मसी कां पयदा हवसे?"
5 चे कह्या की "यहुदीया जीलान बेतलहम सहर मां हवसे, काहाकी भगवानेन अघी सी आवणे वाळी वात बताड़न्या माणसेन साहरे असो लिखलो छे।
6 "ए बेतलहम सहर, तु यहुदीया देस वाळा,
काहना बी मटला सहर नानु नी हय,
काहाकी तारे सीत एक असलु राज करन्यु पयदा हवसे,
चु मारा ईस्रायेली जातीन माणसेन गुवाळी करसे।"
7 तत्यार हेरोदेस राजु तारा देखीन रासी देखण्याक कळेन बुलायन तीनुक पुछ्यु की तारु तुहुंंक काहनी टेमे देखाव पड़लु, 8 अळतेन चु असो कय्न तीनुक बेतलहम सहर मां मकल्यु, "जावु, तीना पुर्यान बारामां पतु करु, ने जत्यार जड़ जाय तत्यार मेसे खबर करु काहाकी मे बी आवीन तेरा पाये पड़ीस।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)