Mateus 9

ईसु दुय आंदळान डुळा काजे वारु करे

27 जत्‌यार ईसु चां सी अगु जाणे बाजी गुयु, ने दुय आंदळा तेरे पछळ असा कय्‌न आवणे बाजी गुया, "ए दावुदेन अवल्‌यात, हामरे पर दया कर!"

28 जत्‌यार ईसु घर मां पुग्‌यु, ती चे दुय आंदळा तेरे धड़े आया, ने ईसु तींद्‌रे सी कह्‌यु, "काय तुहुंंक भुरसु छे की मे ज्‌य कर सको?" चे ईसुक कह्‌या, "हव, मालीक।"

29 तत्‌यार ईसु तींद्‌रा डुळा छीमीन कह्‌यु, "तुंद्‌रु भुरसु छे, तसोत तुंद्‌रे वाटे हय जाय।" 30 ने चे देखणे बाजी गुया। ती ईसु तीनुक वारु समजाड़ीन कह्‌यु, "चेतीन*9:30 सावधान, रवजु, जी वात कुय काजे घुण कवु।"

31 बाकुन चे घर मां सी जाती रया, ने अळतेन जी वात तीना देस मां आखे कय देदा।