रोमीयो 13

सरकारेन हुकुम मानु

1 आखा माणसे काजे सरकारी आफसर्‌यान हक मां रहणु चाहजे, काहाकी सरकारेन हक भगवान भीणी सी छे; ने जे हक हय छे हीनुक भगवान नेवाड़लु छे। 2 हेरेसी जु कुय सरकारी हकेन वीरुद करे, जु भगवानेन कायदान वीरुद करे, ने जे भगवानेन हुकुमेन वीरुद करे, तीनु काजे डंड जड़से। 3 काहाकी हक करन्‌या वारलु कामे सी नी, बाकुन भुंडला कामे सी बीहणे वजे छे; हेरेसी कदी तुसे काजे हक करन्‌या नेता सी बीहे पाखुर रहणु हय, ती वारलु काम कर, ती हक करन्‌यु नेतु तुसे काजे बेसकु वारु कर्‌यु करीन कहंसे*13:3 वारु कर्‌यु करीन कहंसे सराहना; 4 काहाकी राज करन्‌यु नेतु तारी भलाय वाटे भगवानेन चाकर्‌यु छे। बाकुन कदी तु कुहराय करे, ती बीहीन रवजी, काहाकी चु फालतु तलवार लीन उबु नी रवे; बाकुन चु भगवानेन चाकरी करन्‌यु छे काहाकी चु भगवानेन रीसेन अनसारे कुहर्‌या काजे डंड आपे। 5 हेरेसी हक मां रहणु भगवानेन रीसेन मार्‌यु अतरुत नी, बाकुन बीहीन बी हक मां रहणु चाहजे बाकुन आपणो मन बी हक मां रहणु चाहजे।

6 हेरसी फाळु बी आपु काहाकी भगवानेन चाकर्‌या छे ने चे जलम ईनात काम मां लागला रवे। 7 हेरेसी आखान हक काजे पुरो करे; तीना काजे फाळु आपणु चाहजे, तीना काजे फाळु आपु; तीना काजे वसोली चाहजे, तीना काजे वसोली आपु; तीना सी बीहणु चाहजे तेरे सी बीहु, तेरी ईज्‌जत करनु चाहजे, तेरी ईज्‌जत करु।