Atos 8

36 यातरा करत-करत उन रास्ता हे अक जिघा पानी के लिघ्घो पहुंचथै, ऊ कथै, "इछो पानी हबै, अब मोके बतिस्मा ले हे काहिन देरी हबै।" 37 *8:37 हइ बचन पुरानी हस्त लिपी हे नहको पाय जथै फिलिप्पुस जबाब देथै, "अगर तै सगलू मन लग बिस्वास करथस, ता कोनो बाधा नेहको हबै।" ऊ कथै, "मै बिस्वास करथो कि यीसु मसीह भगवान कर टोरवा हबै।"

38 ऊ रथ ठाड करै के आदेस देथै अउ फिलिप्पुस अउ साहब खोजा दुनोझन पानी हे उतरथै अउ फिलिप्पुस उके पानी लग बतिस्मा देथै। 39 जब उन पानी लग बाहिर आइन, ता परभु के आतमा के अगुवाई लग फिलिप्पुस दूसर रास्ता लग कढ जथै अउ खोजा उके फेर कबहुं नेहको देखथै अउ ऊ मगन करत अपन गली कढ जथै।