1 जउन कुछु हम कथन, ऊ मुख्ख बात हइ हबै, जरूर हमर लिघ्घो अक्ठी असना पुजारी हबै जउन स्वरग हे ऊ भगवान के राजगद्दी के दहिना पल्ला जायके बइठे हबै। 2 अउ ऊ पवितर जिघा हे यानी सही तम्बू के हरवाह हुइस जेही कउनो मनसे के दवारा नेहको पय परभु के दवारा ठहराय गय हबै।

3 हर अक्ठी पुजारिन के इहैनिता ठहराय जथै कि ऊ भेंट अउ बलि दोनोन के चढामै। अउ इहैनिता हइ पुजारी के नितो जरूरी रहिस कि ओखरो लिघ्घो चढावा के निता कुछु होय। 4 अगर यीसु भुंइ हे होतिस ता कबहुन पुजारी नेहको होतिस, काखे ऊ पहिलेन लग असना मनसे हबै जउन मूसा कर नियम के जसना भेंट चढाथै। 5 अगर ऊ अक्ठी असना आराधना के जिघा हे आराधना करथै ऊ सही हे अक्ठी परति हबै अउ स्वरग हे जउन कुछ हबै ओखर छांय हबै ऊ ओसनेन हबै जसना मूसा कर संग रथै। इहैनिता जब मूसा तम्बू बनामै बाले रथै, ता उके भगवान के तरफ लग हइ आदेस मिलथै, "देख, जसना तोके डोंगर हे देखाय गय रहिस, ओखरैन मेर सब कुछ बनाबे।" 6 पय जउन सेबा के काम यीसु के मिलथै, ऊ उनखर सेबा काम लग बडा हबै। काखे ऊ जउन टीमा के बचामै बाले हबै, ऊ पुरान टीमा लग बडा हबै अउ बडा चीजन के टीमा हे आसरित हबै।

7 काखे अगर पहिले टीमा हे कउनो निरदोस नेहको होतिस ता दूसर टीमा के निता कउनो जिघा नेहको रही जातिस। 8 भगवान उन मनसेन के बुराई करत कथै,

"परभु हइ कथै, ऊ रोज आही,

जब मै इस्राएल के बिरादरी के निता अउ यहूदा के बिरादरी के निता अक्ठी नबा टीमा बांधहुं।

9 हइ टीमा ओसना नेहको होही जसना मै उनखर सियानन के संग ऊ टेम करे रथो,

जब मै उनही मिस्र लग निकाडै के निता उनखर मदद करे रहों। परभु हइ कथै,

उन मोर टीमा के नेहको मानिन,

इहैनिता महुं उनखर खयाल नेहको करिहों।

10 फेर परभु हइ कथै, ऊ टेम गुजर जाय के बाद मै इस्राएल देस के निता,

हइ टीमा बंधिहों मै अपन नियम उनखर मन हे डलिहों,

उनखर हिरदय हे ओही लिख दइहों।

मै उनखर भगवान हुइहों,

अउ उन मोर मनसे हुइहीं।

11 फेर तो कबहुं कउ मनसे अपन परोसी के असना नेहको सिखइहीं,

अउ न कउ मनसे अपन भाइन,

लग कबहुं कइहीं तुम परभु के चीन्हा।

काखे तब तो उन सब नान लग,

लइके बडा तक मोके जनहीं।

12 काखे मै उनखर बुराई के बारे हे दयालु रइहों,

अउ उनखर हे पाप के सुरता नेहको करहुं।"

13 भगवान हइ टीमा के "नबा" कहिके गोहराथै, इहैनिता ऊ पहिले के टीमा के खतम के दय हबै। जउन पुरान अउ बेउहार के काबिल हबै ऊ खतम होय बाले हबै।