यूहन्ना 21

यीसु अउ पतरस

15 खाना खाय के बाद यीसु समोन पतरस लग कथै, "हे समोन, यूहन्ना कर टोरवा, का तै इनखर लग बढके मोर लग माया करथस?" पतरस ओखर लग कथै, "हां परभु तै तो जानथस, कि मै तोर लग माया करथो।"

यीसु ओखर लग कथै, "मोर गेडरा के चरा।" 16 यीसु फेरै दूसर बेर पतरस लग कथै, "हे समोन यूहन्ना के टोरवा, का तै मोर लग माया करथस?" ऊ यीसु लग कथै, "हां परभु तै जानथस कि मै तोर लग माया करथो।"

यीसु ओखर लग कथै, "मोर गेडरा के देखरेख कर।" 17 यीसु फेर तीसर बेर ओखर लग कथै, "हे समोन यूहन्ना कर टोरवा का तै मोर लग माया करथस?" हइ सुनके पतरस गुस्सा होथै, कि ऊ तीसर बार असना पूछथै, "का तै मोर लग माया करथस?" पतरस यीसु लग कथै, "हे परभु, तै तो मन के बात जानथस, तै हइ जानथस कि मै तोर लग माया करथो।" यीसु ओखर लग कथै, "मोर गेडरन के चरा।"