1 हे टोरिया परम सुंदरी,

तोर परेमी कछो गइस?

तोर परेमी कछो कढ गय कि

हम तोर संग ओही खोजै निकरै?

2 मोर परेमी अपन बगिया हे

अपन गेडरा छेडी चरामै के निता

सोस फूल चरै कर निता अपन बगिया हे गय हबै,

ऊ सोसन के फूल हे गय हबै।

3 मै अपन परेमी कर हव अउ ऊ मोर हबै,

जउन सोसन कर फूल हे अपन गेडरा छेडी चराथै।

4 हे मोर परेमी, तै तिर्सा सहर जसना सुंदरी हबै,

तै यरुसलेम कर जसना सुंदर हबै,

अउ झन्डा फहिराउत हर सेना कर बरोबर सक्तिसाली हबै।

5 अपन आंखी मोर पल्ला लग फेर ले,

काखे मै ओखर लग घबराथों,

तोर चूंदी असना छेडिन कर झुंड के जसना हबै,

जउन गिलाद डोंगर उतारू हे लेटे हर देख पडथै।

6 तोर दांत उन गेडरा कर जसना हबै,

जउन नहायके पानी लग बाहिर आय हबै,

जिनखर जोडधा लरका हबै,

उनखर मसे कउनो कर जोडधा नेहको मरे हबै।

7 तोर चूंदी कर तरी तोर गाल असना हबै जसना अनार कर दुइठे खंडा होय।

8 उहां साठ रानी, अस्सी रखेल

अउ नबा अनगिनत कुंवारी टोरिया हबै।

9 पय मोर परेवा, मोर निरमल,

उनखर मसे अकलउती टोरिया हबो,

जउन दाय उके पइदा करिस,

ऊ उस दाय कर पिरिया हबै,

टोरिया उके देखिस अउ उके सराहिस,

रानी अउ रखेल देखके ओखर बडाई करे रथै।

10 हइ कउन हबै, जेखर सोभा सुबन्ने कर जसना हबै,

जउन सुन्दर हे जोंधइया, अउ झन्डा फेहराउत ऊ टोरिया कोन हबै ऊ बिहान्ने कर जसना चमकथै, ऊ जोंधइया जसना सुंदर हबै,

ऊ एतका सक्तिसाली हबै जेतका बेरा, ऊ असना अदभुत हबै जसना बादर हे सिपाही।

11 मै बदाम कर बगिया हुइके उतर गयों,

कि मइदान कर फूल देखों,

अउ देखों कि डगाइल हे कलियां लगिस,

अउ अनारन के फूल खिलिस कि नेहको।

12 मोके पतो नेहको चलिस, कि मोर इक्छा मोर राजा कर रथ हे चढाय दइस।

13 लउट आ, लउट आ, हे सूलेम्मिन टोरिया, लउट आ,

लउट आ, ताकि हम तोके देख सकि।

का असना सूलेम्मिन टोरिया के हइ मेर देखिहा,

जसना कउनो दुइठे समूह कर नाच हबै?