1 राजा सुलेमान दवारा लिखे हर स्रेस्ठ गाना।✝

2 तै मोके अपन मुंह के चुम्मा लग ढक ले,

काखे तोर माया अंगूर के रस लग जादा मीठ हबै।

3 तै कइ-कइठे महकनी तेल लगाय हबस,

उनखर महक केतका तेज हबै, तोर नाम माना उंडेले हर महकनी तेल हबै,

इहैनिता कुंवारिन तोर लग माया करथै।

4 मोके तीनले, हम तोर पाछु दउडब,

राजा मोके अपन कमरा हे लइ आने हबै,

हम तोर हे मगन अउ खुस हुइबे,

हम अंगूर रस लग जादा तोर माया कर चरचा करब,

उन निक्खा तोर लग माया करथै।

5 हे यरुसलेम कर टोरियन,

मै करिया तो हव पय सुंदर हव, केदार वंस के तम्बून के

अउ सुलेमान कर महल कर परदा कर जसना सुंदर हव।

6 मोके झइ घूर कि मै केतका सांवर पानी के हव,

बेरा मोके केतका कडिया कर दय हबै,

मोर दाय कर टोरवन मोर लग खुस नेहको रथै,

उन मोके अंगूर कर बगिया के देखरेख बनाइस,

पय मै अपन खुद कर बगिया के बारी के देखरेख नेहको करों।

7 मै तोके अपन पूरा आतमा लग माया करथो,

मोर जान मोके गुठे, तै अपन गेडरन कर झुंड कछो चराथस?

दुपहरी हे उनके कछो बइठाउथस?

मोके असना अक्ठी टोरिया के लिघ्घो नेहको,

जउन मूंड ढांकथै, जब ऊ तोर साथिन के गेडरन के लिघ्घो होथै।

8 डउकिन मसे तै सुंदर हबस,

जा पाछु-पाछु कढ जा,

जिहां गेडरा अउ छेडिन के लरका जथै,

अपन गेडरन के तम्बू के लिघ्घो चरा।

9 हे मोर पिरिया, मै तोर बरोबरी फिरोन के रथ हे

जोते हर घोडवा लग करे हव।

10 गहना लग जुडे तोर गाल केतका संदुर लगथै,

तोर नटेरी हे मंहगा हार लटकत हबै।

11 हम तोर निता चांदी कर

फूलबाले सोना के सजावट बनउबे।

12 जब राजा अपन गद्दी हे बइठे रथै,

मोर महकनी तेल के सुगंध फइलत रहै।

13 मोर माया करै बाले मोर निता गाद* कर थइला के जसना हबै,

जउन मोर छाती के बीच हे पडे रथै।

14 मोर माया करै बाले मोर निता मेंहदी के फूलन के गुच्छा के जसना हबै,

जउन एनगदी* के अंगूर कर बगिया हे होथै।

15 तै मोर पिरिया, तै सुंदर हबस, तै केतका सुंदर हबस,

तोर आंखी परेवा कर जसना हबै।

16 हे मोर पिरिया, तै सुंदर अउ मनमोह बाले हबस,

अउ हमर हरियर चारा के डसना हबै,

17 हमर घर के खूंटा देवदार के लकडी कर हबै,

हमर छत के मलगा सनोवर रूख के हबै।