Lucas 2

समोन कर भजन

25 ऊ टेम यरुसलेम सहर हे समोन नाम के अक्ठी धरमी अउ भजन करै बाले मनसे रथै, ऊ इस्राएल के सान्ति के इन्तजार हे रथै, अउ पवितर आतमा ओखर संग रथै। 26 अउ उके पवितर आतमा लग हइ परकासन मिले रथै, कि जब तक ऊ परभु मसीह के नेहको देख लइ, तब तक ओखर मिरतू नेहको हुइ✝2:26 यसा 40:5। 27 ऊ पवितर आतमा के सिखाय लग मन्दिर छो आथै, अउ ओखर दाय बाफ लरका यीसु के निता नियम पूर करै के उदेस्य लग, उके बिनती भवन के भित्तर छो लानथै। 28 ता समोन यीसु के अपन कोरा हे लइस, अउ भगवान के धन्यबाद करके कथै,

29 हे मालिक तै अपन बात के जसना,

अपन हरवाह के सान्ति के संग बिदा कर।

30 काखे मोर आंखी मुकति के देख लय हबै।

31 जेही तैहां सगलू देस के मनसेन के निता तइयार करे हबस।

32 हइ गैर यहूदी के परकास देय के निता उजियार,

अउ तोर खास मनसे इस्राएल के निता महिमा होय✝2:32 यसा 42:6; 49:6।