Mateus 16

फरीसी अउ सदूकी सिक्छा के खमीर

5 यीसु के चेला दहार के दूसर पल्ला जात टेम, रोटी लेय के बिसर जथै। 6 यीसु उनखर लग कथै, "देखा, फरीसी अउ सदूकी के खमीर ग्यान लग बचे रइहा।"

7 ऊ अपनै हे सोचै लग जथै, कि "हम रोटी नेहको लाय हबन इहैनिता यीसु असना कथै।"

8 यीसु उनखर मन के बात जान के कथै, "हे चुटु बिस्वास करै बाले मनसे, तुम हइ काखे सोचथा, कि हमर लिघ्घो रोटी नेहको हबै। 9 तुम अबहुन तक हे नेहको समझ पाय हबा का? सुरता करा कि उन पांच हजार मनसेन के निता पांचठे रोटी हे पुर गय रहिस, अउ केतका छन्नी भर रोटी उठाय रहा। 10 अउ तुमही सुरता नेहको हबै, कि चार हजार मनसेन के निता सातठे रोटी अउ फेर तुम केतका टोपरी रोटी उठाय रहा। 11 काखे नेहको समझथा, कि मै रोटी के बारे हे हइ नेहको गुठेथो, बकि फरीसी अउ सदूकी के खमीर लग सचेत रहैके कथो।"

12 ता चेला समझ गइन कि यीसु रोटी के खमीर लग नेहको, बकि फरीसी अउ सदूकी के सिक्छन लग बचे रहैका कथै।