Mateus 2

3 जब हेरोदेस राजा हइ बात सुनथै, ता ऊ बोहत घबडा जथै, अउ यरुसलेम कर मनसेन चिन्ता हे पड जथै। 4 तब राजा यहूदी समाज के खास पुजारी अउ गुरुन के अकजुट करके पूछथै, मसीह कर पइदा कछो हुइ सकथै?

5 उन मनसे राजा लग कथै, "यहूदिया कर बैतलहम हे काखे ग्यानी मनसे कर किताब हे ओसनेन लिखररे गय हबै।"

6 हे बैतलहम, जउन यहूदा के परदेस हे हबै,

तुम कउनो मेर लग यहूदा के अधिकारी सहर मसे नान नेहको हवस,

काखे तुम्हर लग अक्ठी राजा निकडही,

जउन मोर मनसे इस्राएल कर बरेदी होही।

7 तब हेरोदेस ज्योतिसिन के चुपके लग बुलवाय के पूछथै, तरइया ठीक कउन टेम दिखाई दय रहिस? 8 राजा ज्योतिसिन लग हइ कहिके बैतलहम पठोथै, "कि जायके ऊ लरका कर बारे हे ठीक-ठीक पता लगामै, जब मिल जही ता मोके गुठेइहा, ता महुं ओखर परनाम करहुं।"