Mateus 3

पानी हे बतिस्मा देमै बाले यूहन्ना कर संदेस

1 उन दिनन हे यूहन्ना पानी हे बतिस्मा देय बाले यहूदिया परदेस कर पटउरा हे आय के, अउ हइ परचार करथै। 2 पाप लग मन बदला, काखे स्वरग कर राज लिघ्घो हबै। 3 यूहन्ना उहै मनसे रथै, जेखर बारे हे यसायाह ग्यानी मनसे के दवारा कहे रथै,

"कि पटउरा छो गोहराय बाले के आरो हबै,

परभु के निता रास्ता तइयार करा

अउ ओखर गली सिध्धा करा।"

4 यूहन्ना उंटवा कर चूंदी के बन्डी ओढे रथै, अउ कनिहा हे खलरी कर पट्टी बांधे रथै, अउ ऊ चिड्डा अउ पतेरा कर मोहरस खाय करथै। 5 यरुसलेम सहर के सगलू यहूदिया परदेस के मनसे, अउ यरदन नदिया के अगल बगल के इलाका लग यूहन्ना के लिघ्घो आमै लागथै। 6 उन अपन-अपन पापन के मानके, यरदन नदिया हे यूहन्ना लग बतिस्मा लेथै।