14 Thiichiih shii hò-amuii jia nuii gieng phane Thyathira pha Lydia, yung chong rek pha hò-amuii ji ro. Ai ne Hamangkhung-aphuii shii sia ne rai pha hò-amuii ro, ji-è, Hamangkhung-aphuii è aishii hong phi ne Phaul è nyie yao ramuii pha ji wie nuii yi. 15 Ai nane ai haliing phothek khowo yie ched mage shii ai è gathek shii awai hò hà ho, "Nathek è gu shii de Ithong pha izai migi now pha bran è now arone, thawuii ne gu hò shii rai mage bo." Chiih-è ai è gathek shii khung ne wuii yi.
30 Ji phado è ai è ithek shii fuang dun yi srane sai, "Masdothek wo! Gu de ragia rey pha nyie rek chid phlei?"
31 Ai è chang, "Ithong Isu shii migi now mage bo, ji-arone na nane nawai haliing pho de ragia rey ruii phro." 32 Ai è ai nane ai haliing phothek shii de Ithong pha miyaogam yua phi. 33 Ji pha habiu dang shii ji pha phatheg pha dumuii ji è isa shii noh ne isa saduii ji shud phi; ji è rek ched ne ai nane awai haliing phothek de khowo yie dang gieng.