Ragung So thog ruii
1 "Phenthekhos thogmage shii, migipho ne ithua jia shii khrab srane rai iang." 2 Hamblo shii, hamang è thiichiih shii hasam sam pha duiine boh rone ithek rai iang pha hò jishii ne zab ley dun. 3 Ji è rek mage ne miyaogam ne bai duiine kheythog srane thiichiih shii um pha branthek shii jiang thog ruii. 4 Ithek ne Ragung So è zab than dun srane gai bran pha miyaogamthek de yao thog ruii. Ji ne Ragung So pha blu miyao yao yi.
16 Hìthek rey phane Joel chaig pha bran miyao ji duiine ro:
17 "Hamangkhung-aphuii è yao"
Ishak jong sha pha rey shii gu è nyie rek phi pha um ga gu è zab bran shii Ragung phi ruii phro.
Na dufuii, dimithek de gu mua hì yao ruii phro;
na filiaothek de chaig ruii phro, chiih è,
wegthek de ibangthek bang ruii phro.
38 Phithar è ithek shii yao, "Nathek de nawaithek layog rek pha blia ji thoh srane Isu Masi beng è khowo yi bo! Chiihphado, nathek layog de khung phi srane Hamangkhung-aphuii pha lasen Ragung So mua ruii phro.
41 Ji è yao mage shii, bran giak è ne ji pha mua ne izai now gieng ne khowo phi yi, chiih è, ji phado shii itham uom pha branthek de ji pha ibrog shii dog gieng dun.