Gálatas 2

Phaul è Anthioch hà Phithar shii giung

11 Jimagungde Phithar Anthioch wuiithok mage shii, gu è Phithar shii bran moe shii giung, nyieliieshii ai ne asi dang pha blia rek. 12 Jems è doh pha giak branthek thiisa athog ba pha ibi shii, Phithar de Gaibranthek khuiinothek nane bumuiithek rog shii chie niing, jishii branthek thok mage pha idoh, ai yi Gaibranthek migiphothek rog shii achie yo rey dun, nyieliieshii ai ne migiangkheg pha haro rek pho shii rum. 13 Gai Jewthek migiphothek è jao ne Phithar murum ji duiine rum; chiih-è Barnabas rangde ithek shii dog dun. 14 Ithek ne muawie pha izai lumuii miang rog shii alua pha ji gu è doh mage shii, gu è ithek zab pha moe shii Phithar shii yao, "Nane Jew ro, thuh de nane Jew duiine arai pha, Gaibran duiine rai ro. Chiihphado, ithek ne Gaibran shii Jewthek duiine rai bo è nyie khi-èrek ne bangchiie rek mua mage phlei?"