Methiu 21

Isu è iphemhingmuii shii thamiie

18 Jipha thimiang riang duiine shii Isu è rajan hà wuiiramuii shii, Isu ne chi-iy ruii. 19 Ai è iphem hingmuii jia lumuii moe shii um pha doh ne ji pha iphem hingmuii shii wuii dun, jimagunde ji shii nyie de oi pha irabthek um bie iang, ji-è, ai ne hingmuii ji shii yao, "Na ne khuchung de iwoi awoi sha phro!" Ji è yaodang pha ji shii ji pha iphem hingmuii ne gow dun.

20 Samoythek è ji doh mage ne zab wiengphleg dun. Ithek è sai, "Khi è rek ne ji pha iphem hingmuii ne ribjia gow dun phlei?"

21 ✝ 21:21: Mth 17:20; 1Khor 13:2 Isu è chang, "Gu ne nathek yao, nathek ne migi now ne ìujia de athan arone, nathek de gu è hì pha iphem hingmuii shii rek pha duiine nyarek mua phro. Hì jia asi pha yi nathek ne hì pha phiing shii nyayao mua." "Hùg ne khamuii hà chiih dun bo è yao ne de ji nyarey dun. 22 Nathek è migi now arone, nawaithek è sia ne nyie lia pha ji phi ruii phro."