17 Bran giak è na shii asi pha rek muii magunde, asi pha iidoh arog din rabo. Zab pha miie shii nyie wie ji rek pha bidiang bo. 18 Zab pha rog shii Liijiing rai pha na è zab rek muii pha ji rek mage bo. 19 Arog rabo, gu ijak, ji pha chiang shii Hamangkhung-aphuii è lijieg phaji rek bo. Jigigam shii yao, "Gu è rog pha ro, gu è iidoh phi din pha ro, Ithong è yao ro." 20 Ji phachiang shii, jigigam è yao: "Narog gidiegpho yi chi-iyiy muii arone, aishii michie phi ne chie yi bo; ai gahanghang arone, niing pha phi bo; ji rek phane na è aishii ne wo pha bai fuh phi." 21 Awie pha è na shii ayang yi rabo; ji pha chiang shii, wie è buii shii yang bo.
Publicidade